ઓરડાની બારી માંથી ડોકિયું કરાઈ ગયું,
અસમતળ મેદાનમાં ખાબોચિયું જોવાઈ ગયું
વરસાદના નવાં પાણીથી ખાબોચિયું છલકાઈ ગયું,
એમાં મારું નાનું મન ભૂતકાળમાં તણાઈ ગયું.
આવતા નિશાળેથી પગથી લપસાઈ ગયું,
પકડી માછલીનાં બચ્ચાને, ભૂલથી મરાઈ ગયું.
પડતા ખાબોચિયામાં સફેદ ફ્રોક રંગાઈ ગયું,
બહેનપણી સંગ હસતા મધુર ગીત ગવાઈ ગયું.
ખુંદતા રસ્તા ઘરે થોડું મોડું પહોચાઈ ગયું,
સાંભળતા દાટ મમ્મીની 'અદી' થી રડાઈ ગયું.
ઓરડાંમાં બીજું ખાબોચિયું ભરાઈ ગયું,
જોઈ મને રડતા મમ્મીનું હૈયું ભરાઈ ગયું.
ઓરડાની બારી માંથી ડોકિયું કરાઈ ગયું,
અસમતળ મેદાનમાં ખાબોચિયું જોવાઈ ગયું
અ....દી... લાગણી નો વહેતો પ્રવાહ ૨૯.૦૮.૨૦૧૧
No comments:
Post a Comment